Ka qenë i qartë Kryeministri i sapozgjedhur i Greqisë në mesazhin e tij, pasi ka shpallur ngadhënjimin në zgjedhje.
“Do të qeverisim për 4 vjet pa u lëkundur nga presionet. Do t’I japim fund korrupsionit në sistem. Fitorja i takon klasës punëtore”, shkroi Tsipras në një mesazh në twitter.
Alexis Tsipras fiton në mënyrë të qartë me gati 8 përqind më shumë se rivali i saj direkt Demokracia e Re, duke marrë gati fotat e të gjithë të majtëve dhe duke u rikonfiguruar si lideri real i qendrës së majtë.
Një e dhënë reale për këtë është zhdukja totale e PASOK. Shkurt, saktë dhe qartë, lideri i Syrizas ka marrë thuajse të njëjtat vota si në zgjedhjet e janarit vetëm 5 deputetë më pak, sa ç’ishin pak a shumë rebelët brenda partisë së tij.
Demokracia e Re ka humbur një pikë më pak ndërsa Agimi i Artë është rritur edhe me dy deputetë.
Duke folur para mbështtësve në selinë e Syriza-s, Tsipras tha se kemi fituar një mandat të ri pasi “jemi të fortë deri në vdekje”. Megjithatë Tsipras nuk e ka mazhorancën absolute i vetëm, kështu që do të vazhdojë koalicionin me të Djathtët e Pavarur të ENEL, siç ishte në qeverinë parardhëse. /tesheshi.com/
