Kryeministri grek, Alexis Tsipras gjatë një interviste të publikuar në mediat greke këtë të Diel, ka thënë se ai bisedimet me kreditorët e borxhit të Greqisë, më në fund, mund të çojnë në një “fund të lumtur” të negociatave me Bashkimin Europian.
Athina është e vendosur të prezantojë një reformë ekonomike tek ndërkombëtarët ditën e Hënë, në mënyrë që ti jepet një kredi prej 7.2 milion euro nga BQE dhe FMN dhe të shmangë rënien ekonomike të vendit.
“Kam besim se shumë shpejt do të kemi një fund të lumtur me negociatorët dhe do të normalizojmë situatën”,- ka thënë Tsipras, i cili është në krye të qeverisë greke, pasi partia e tij, Syriza, fitoi zgjedhjet dy muaj më parë.
Nga ana tjerët, shefi i Bundestagut gjerman, Jens Weidmann, tha të Premten se ai ishte skeptik në lidhje me reformat që prite të kryejë Greqia dhe se qeveria e Tsipras nuk kishte fituar ende një shkallë të lartë besueshmërie tek ndërkombëtarët,.
Qeveria e re greke ka propozuar taksa më të larta për më të pasurit. Nga vitit 2010, Athina ka marrë dy kredi të njëpasnjëshme nga BE dhe FMN, të cilat kapin një vlerë prej 240 miliardë euro, me pretendimin e marrjes së masave shtrënguese për të dalë nga recensioni ekonomik.
Njëkohësisht, Greqia është në kërkim të ndihmës së Kinës, për të përmirësuar gjendjen financiare. Pekini është i vendosur të blejë 67% të aksioneve që shteti grek ka në Pire, një nga postet më të mëdha të vendit dhe njëkohësisht, një nga portet më të mëdhenj në Europë.
Tani, ngelet të presim ditën e Hënë, për të parë se si do të shkojë situata e Greqisë dhe dialogu me BE. A do të ketë vërtet një “fund të lumtur” siç tha Tsipras?/tesheshi.com/
