Presidenti amerikan, Donald Trump është tërhequr më në fund duke firmosur ligjin e miratuar nga Kongresi për sanksione ndaj Rusisë, por që tha se ai kishte shumë të meta.
“Përmes kufizimit të autoritetit të Presidentit, ky ligj ua vështirëson Shteteve të Bashkuara që të arrijnë marrëveshje të mira për popullin amerikan dhe do t’i afrojë me njëri-tjetrin vende si Kina, Rusia dhe Koreja e Veriut.
Megjithë problemet që ka, unë po e nënshkruaj ligjin për hir të unitetit kombëtar”, tha Trump.
Ligji i sanksioneve ndaj Rusisë u miratua thuajse unanimisht në të dyja dhomat e Kongresit.
Kreu i grupit demokrat, në Dhomën e Përfaqësuesve, Nancy Pelosi, tha se ligjvënësit republikanë “nuk duhet ta lejojnë Shtëpinë e Bardhë të Donald Trumpit që të shmangë detyrat e saj për vendosjen e sanksioneve për sulmin e pacipë Rusisë ndaj demokracisë sonë.”
Senatori republikan Lindsey Graham i tha CNN-it, se nëshkrimi i ligjit në qetësi dhe pa praninë e zakonshme të gazetarëve dhe kamerave, “përforcon idenë se administrata e zotit Trump nuk e ka seriozisht me masat ndaj Rusisë. Unë mendoj se ky është një gabim, sepse Putini ka për ta parë këtë si shenjë dobësie”, tha Graham.
Masat ndëshkimore ndaj Moskës merren për shkak të ndërhyrjes ruse ndaj zgjedhjeve presidenciale amerikane të vitit të kaluar, me synimin për ta ndihmuar Trump t’i fitojë zgjedhjet. /tesheshi.com/
