Kandidati në zgjedhjet e ardhshme presidenciale në Shtetet e Bashkuara të Amerikës, Donald Trump, tani po i mban fjalimet e tij në tubime në natyrë pas xhamit antiplumb, raporton BBC.
Në tubimin e fundit të mbajtur, Donald Trump qëndroi pas xhamit antiplumb ndërsa iu drejtua mbështetësve në tubim.
Ish-presidenti po fliste në Karolinën e Veriut, tubimi i tij i parë në natyrë që nga atentati në Pensilvani në korrik.
Në tubim, Trump komentoi kritikat e Barack dhe Michelle Obama ndaj tij gjatë fjalimeve të tyre në Konventën Kombëtare Demokratike në Çikago të martën mbrëma.
Në tubim ka pasur siguri të shtuar dhe rreth ngjarjes janë parë snajperë mbrojtës.
