“Mos na nënvlerësoni, mos na provoni”, këto ishin fjalët pikante të zgjedhura nga Presidenti Trump, si mesazh për Phenianin zytar, duke u ndodhur “një hap larg” rivalit të tij Kim Jong me vizitën në Korenë e Jugut. Duke folur në parlamentin e Seulit, Trump iu drejtua udhëheqësisë komuniste duke i thënë: “armët që po fitoni nuk po bëjnë më të sigurt, ato po e vënë regjimin tuaj në rrezik të madh”.
Trump paralajmëroi Phenianin duke thënë se ndërsa mund të ketë interpretuar sanksionet e kaluara nga SHBA si dobësi, tani ekzistonte një administratë e ndryshme dhe i kërkoi Kim Jong-ut që të heqë dorë nga armët bërthamore.
Nga ana tjetër, Trump i bëri thirrje asaj pjese të fuqishme të botës, ku veçoi Kinën dhe Rusinë, që të ushtrojnë presion mbi Phenianin për të hequr dorë nga armët bërthamore.
“Bota nuk mund të tolerojë kërcënimin e një regjimi mashtrues që e kërcënon atë me shkatërrime bërthamore. Të gjitha kombet përgjegjëse duhet të bashkojnë forcat për të izoluar regjimin brutal të Koresë së Veriut, duke iu mohuar ndonjë formë mbështetjeje”, tha Trump. /tesheshi.com/
