Në orët e mbrëmjes së djeshme ka arritur në spitalin lokal të qytetit banorja nga fshati Çerem në gjendje të rëndë, si pasojë e kafshimit nga një ari.
Gruaja, A.S.,47 vjeçe ka qënë sipër fshatit duke kullotur bagëtinë në orët e vona të pasdites, kur një ari i terrorizuar është drejtuar nga gruaja, duke e kafshuar në krahun e majtë me putrën e tij të madhe.
Falë disa banorëve që ishin prezent, ajo ka shpëtuar, duke e trasnportuar me makinë urgjent në spital.
Burimet spitalore njoftojnë se ajo është jashtë rreziku për jetën dhe po trajtohet në spitalin lokal. Para dy vitesh edhe në fshatin Vurraj- Epër, është sulmuar një banor nga ariu, raste këto të ndodhura kohët e fundit, si pasojë e braktisjes së banorëve dhe shtimit të kafshëve të egra. /tesheshi.com/
Gj.Neçaj
