Shqiptarët kanë arritur të marrin Komunën e Tuzit në Mal të Zi, duke ofruar një precedent pozitiv bashkimi në funksion të sfidave nacionale.
Nën slloganin “Malësia na bashkon”, tre forca shqiptare, Alternativa Shqiptare me kryetar Nik Gjeloshajn, Lidhja Demokratike Shqiptare me kryetar Nikollë Camajn dhe Unioni Demokratik Shqiptar me kryetar Fadil Kajoshajn, u bashkuan në koalicionin parazgjedhor dhe ia arritën qëllimit duke dalë triumfues ndaj dy forcave të tjera, DSP-së së Milo Gjukanoviçit dhe Partisë boshnjake.
“Malësia” ftoi mbi 50 përqind të votave, duke patur si kandidat të përbashkët Nik Gjeloshajn e Alternativës, i cili do të jetë dhe kreu i Komunës së Tuzit, shpallur e tillë një vit më parë pas ndarjes nga Podgorica.
Interesant fakti se ky i fundit, i pyetur nga TCH mbi një blerje të mundshme votash nga kundërshtarët, ktheu një përgjigje-leksion për atë që ndodh në politikën shqiptare.
“Këto janë fenomene që ndodhin në Ballkan, por mendoj se duhet të merren organet kompetente me këtë çështje dhe të hetojnë mirë. Ne si politikë, ende nuk mund ta komentojmë dhe të japim një vlerësim, pasi gjithë ditën kemi qenë të angazhuar për mbarëvajtjen e procesit”, tha politikani shqiptar në Mal të Zi.
Për bashkimin e forcave shqiptare në Tuz u angazhua dhe politika e TirAnës me thirrje ndërgjegjësuese. Efekti u dha: Tuzi do drejtohet nga shqiptarët. /tesheshi.com/
