Maroku, Spanja dhe Portugalia kanë shpallur një ofertë të përbashkët për të pritur Kupën e Botës 2030.
Kandidatura është shpallur nga mbreti maroken Mohammed VI dhe është lexuar nga ministri i Arsimit Kombëtar, Arsimit Parashkollor dhe Sportit Chakib Benmoussa në Kigali, ku FIFA do të mbajë Kongresin e 73-të të enjten, raporton Reuters.
Kandidatura e përbashkët, e paprecedentë në historinë e futbollit, përfaqëson bashkimin e Afrikës dhe Evropës, mes veriut dhe jugut të Mesdheut, por edhe botës afrikane, arabe dhe euro-mesdhetare, tha mbreti maroken.
Maroku ka bërë ofertë për të pritur Kupën e Botës disa herë në të kaluarën, dhe ishte më afër organizimit të turneut në vitin 2010 kur humbi nga Afrika e Jugut.
Të paktën edhe një kandidaturë të përbashkët
Kjo është oferta e dytë zyrtare për të pritur Kupën e Botës 2030 pasi Argjentina, Kili, Paraguai dhe Uruguai së bashku e bënë këtë në fillim të shkurtit.
Katër shtete të Amerikës së Jugut kanë bërë thirrje që turneu të kthehet “në vendlindjen e futbollit”, 100 vjet pasi Botërori i parë u mbajt në Montevideo.
Por gjithashtu dhe Egjipti, Greqia dhe Arabia Saudite mund t’i bashkohen garës për Kupën e Botës 2030.
Botërori i ardhshëm është planifikuar për vitin 2026 në Meksikë, SHBA dhe Kanada dhe në të do të marrin pjesë për herë të parë 48 kombëtare. /tesheshi.com/
