Pas tre vitesh rikonstruksion i plotë e i thellë, është rihapur për ritet e faljes Xhamia e Et’hem Beut në qendër të Tiranës.
Kjo xhami konsiderohet si perla e trashëgimisë islame në Shqipëri dhe, së bashku me Kullën e Sahatit krah saj, si simbolet identitare të kryeqytetit shqiptar.
Ajo u ruajt dhe përgjatë viteve të ateizmit komunist, si monument trashëgimie.
Kjo xhami është pjesë e dy frazave në skenarin e filmit “Kapedani”, ku shfaqet dhe qasja e ish-sistemit mbi të.
Xha Sulo habitet që ajo s’është shembur, e qytetari tiranas: ja kthen: “Jo se e kemi me kimet, është monument…”.
Kujtjmë se në tre vite rikonstruksion, “Et’hem beu” u përball me dy konspiracione: ai që Erion Veliaj do e shndërronte në muze duke ia hequr funksionin e ushtrimit të faljes aty, apo se minarja ishte e krisur dhe si e tillë e fshehur.
Rikonstruksioni i kësaj xhamie monumentale u bë i mundur nga TIKA e Turqisë. /tesheshi.com/
