Memaliaj, një qytetin ish-minator buzë rrugës nacionale Tepelenë-Gjirokastër, gati i asfiksuar nga boshatisja, pra me vdekje urbane, u trondit nga një vrasje e trefishtë, e tipit mafioz.
Në shënjestër të plumbave kanë qenë pjesëtarë të familjes Kalemi, të cilët ndodheshin në lokalin e një të afërmi të tyre pranë Bashkisë së qytetit.
Të pajetë kanë mbetur Shyqo Kalemi, kamarieri i lokalit dhe një klient, si dhe është plagosur rëndë Artur Kalemi, vëllai i viktimës së parë.
Shyqo Kalemi është babai i Adriatik Kalemit, të afërm të Aleksandër Sadikaj, i cili mbeti i vrarë në atentatin e ndodhur me tritol te rrethrrotullimi i Saukut në vitin 2022.
Dyshohet se pas ekzekutimit të Aleksandër Sadikaj, Adriatik Kalemi, mund të ketë pasur gisht në organizmin e vrasjes së biznesmenit nga Saranda, Edmond Papa në shenjë hakmarrje për të afërmin.
Pas vrasjes së biznesmenit, në një hark kohor prej disa muajsh, Adriatik Kalemit i janë bërë dy atentate në Greqi për ta eliminuar fizikisht.
Atentatit i ka shpëtuar dhe vëllai i Adriatikut, Zamir Kalemi, ndaj automjetit të të cilit u qëllua me breshëri plumbash në afërsi të mbikalimit të Selitës në Tiranë.
Pra, është fjala për një krim që i përket një sage vrasjesh, ku në rrënjë të arsyeve janë aferat e ndryshme, kryesore ato të drogës. /tesheshi.com/
