Auto Dak
Auto Dak
Auto Dak

“Tre shpatat” për Rusinë: Ukraina trajnon veten për luftë

Ukraina ka filluar stërvitje të përbashkëta ushtarake me Shtetet e Bashkuara, Poloninë dhe Lituaninë

Ukraina të hënën nisi stërvitjet e përbashkëta ushtarake në perëndim të vendit me forcat e armatosura amerikane, polake dhe lituaneze, vende që janë shtylla kryesore e Kievit në tensionet me Rusinë.

Ushtrimet e quajtura “Tri shpata 2021” përfshijnë 1,200 ushtarë dhe 200 automjete luftarake dhe do të zgjasin deri më 30 korrik.

Ushtrimet po mbahen si pjesë e programeve rajonale të bashkëpunimit ushtarak të Ukrainës, Polonisë dhe Lituanisë, të cilat në vitin 2014 formuan një formacion të përbashkët ushtarak të përbërë nga 2,600 polakë, 570 lituanezë dhe 340 ukrainas.

Në muajt e fundit, Ukraina tashmë ka zhvilluar stërvitje ushtarake me vendet e NATO-s, në jug të vendit dhe në Detin e Zi.

Rusia ka mbajtur gjithashtu disa stërvitje ushtarake muajt e fundit, veçanërisht në Detin e Zi dhe ka vendosur afro 100,000 trupa pranë kufirit me Ukrainën dhe Krimesë, të cilat aneksoi në 2014.

Marrëdhëniet Ukrainë-Rusi janë tensionuar që kur liderët pro-perëndimorë erdhën në pushtet në Ukrainë në 2014, pasuar nga aneksimi i gadishullit të Krimesë nga Rusia dhe përplasjet midis autoriteteve ukrainase dhe separatistëve pro-rusë në lindje, të cilat vranë 13,000 njerëz. /tesheshi.com/

auto pjese dak

Related posts