Të dyshuar si organizatorë të tragjedisë ku gjetën vdekjen në kamion 71 emigrantë janë 3 bullgarë dhe një afgan.
Policia hungareze arrestoi katër persona, të cilët akuzohen si përgjegjës për lënien në rrugë të kamionit të ferrit, të mbyllur me emigrantët që u mbytën nga asfiksia. Ngjarja e ndodhur në Austri shokoi gjithë Europën dhe eklipsoi samitin e Vjenës..
Policia hungareze ka arrestuar katër persona si përgjegjës për tragjedinë e 71 emigranëtve sirianë që u gjetën pa jet në një kamion të braktisur në kufi me Austrinë. Tre prej të ndaluarve, janë shtetas bullgarë ndërsa njeri afgan. Viktimat, 59 burra, 8 gra dhe 4 fëmijë rezultojnë se kanë humbur jetën dy ditë më parë. Trupat e dekompozuara të viktimave janë gjetur të enjten në mëngjes në një kamion të braktisur. Sipas autoriteteve vendase, rezulton se viktimat kanë vdekur si pasoje e asfiksimit por ngjarja e rëndë është duke u trajtuar si vrasje.
Kamioni me targa hungareze mesohët të ketë lënë Budapestin mëngjesin e së mërkurës. Ndërkohë sipas OKB-së, vetëm përgjatë këtij viti rreth 2400 emigrantë, kryesisht nga lindja e mesme, kanë humbur jetën në tentativë për të hyrë në Europë.
/tesheshi.com/
