Një material-“bombë” është publikuar nga European Council of Foreign Relations, që është nëj farën mënyre inteligjenca e politikës së jashtme të Bashkimit Europian.
“A do ta përballojë Ballkani Perëndimor stuhinë ruse?”, e titullon studimin ECFR, i cili është përgatitur nga ekspertë të dorës së parë të diplomacisë dhe sigurisë.
Në këtë material flitet për historinë e ofensivës ruse në Ballkan, potencialin njerëzor të shërbimeve sekret, përplasjet ekonomike dhe llojet e ndërhyrjeve.
ECFR thekson se në 2016-ën Putin urdhëroi zbatimin e planit të tij për Ballkanin, i cili tentoi të aplikohej edhe me gjuhën e forcës në Mal të Zi dhe Maqedoni. Dështimi dihet tashmë, por Moska nuk është tërhequr dhe ky vit parashikohet si “viti i zjarrit” i ofensivës së Rusisë në rajon.
“Bashkimi i një sërë presionesh në rritje në Ballkan, si dhe dërgimi i njeriut të posaçëm të Putinit, kreut të fuqishëm të shërbimeve sekrete ruse, Nikolai Patrushev, – i cili ka marrë rajonin në patronazh, tregon se 2018-a do të shohë fillimin e një fushate të rinovuar ruse në Ballkan.
Rusia shikon Ballkanin si një fushë beteje në luftën politike të saj, pjesërisht për të kompensuar suksesin e saj të përzier me masa aktive në Evropë.
Rusia po kërkon të bëjë një pazar me BE-në, veçanërisht pasi kjo shtytje përkon me një ripërtëritje të rolit të Brukselit në rajon.
Qëllimi nuk është të pohojë autoritetin mbi rajonin për hir të interesave të vetat, aq sa për të shfrytëzuar dhe rritur tensionet ekzistuese.
Në sytë e Rusisë, qasja e BE-së ndaj Ballkanit Perëndimor nuk është as serioze e as sistematike, dhe kështu i ofron mundësi të Moskës për të krijuar levë që të lëvizur gjërat”, thekson studimi.
Më pas ECRF shpjegon në mënyrë të detajuar lojën e Moskës vend për vend.
Sipas studimit, Mali i Zi dhe Maqedonia janë dy zonat ku do të përqëndrohet Rusia për të mos i lënë rehat që të integrohen në NATO dhe BE.
Gjithashtu, edhe Serbia dhe Republika Srbska janë zonat ku Rusia kërkon t’i mbajë me thonj.
Materiali thekson se në Republika Srbska, Moska ka dërguar një kontigjent kozakësh që mund të shërbejnë si paramilitarë të gatshëm.
Për Shqipërinë ECRF thekson qartë se “paraqet mundësi të shtuara për ndikimin rus që të ndalohet përparimi integrues, në mënyrë që Tirana të mos kthehet në një qendër grafitacionale për të gjithë shqiptarët në rajon”
Jo më kot thekson studimi Moska ka në Tiranë personelin e tretë më të madh në rajon, Pas Serbisë dhe Bonsjë-Hercegovinës.
“Mundësitë ruse për Shqipërinë dhe Kosovën janë më të kufizuara. Kosova është përdorur instrumentalisht, qoftë si një tërheqje për bashkëpunim më të ngushtë nga vendet e tjera ose si një shans për të krijuar terren.
Në veçanti, mbështetja Moskës për Beogradin në çështjen e statusit të Kosovës i jep rusëve një levë të fortë në dorë
Kjo ishte e dukshme gjatë vizitës së fundit të Sergei Lavrov në Beograd, kur kryeministrja serbe, Ana Brnabiç e falënderoi atë për qëndrimin parimor mbi mosnjohjen e Kosovës si shtet dhe presidenti Aleksandër Vuçiç ripohoi që Serbia nuk do të vendoste sanksione ndaj Rusisë.
Nga ana tjetër, Shqipëria konsiderohet se ofron disa mundësi për Moskën.
Kjo duket si një perspektivë realiste, duke pasur parasysh se ministri i Jashtëm, Ditmir Bushati ka shprehur hapur qëndrimin e Shqipërisë në Uashington si ‘bastion kundër ndikimit të Rusisë në Serbi, Mal të Zi, Maqedoni, Bosnjë dhe Kroaci’, thekson dokumenti.
Pra duke qenë se Shqipëria është vendi më i fortë i qëndrimit anti-rus, Moska synon ta trondisë këtë qendër gjeopolitike me lëvizjet e shërbimeve sekrete.
Që do të thotë se zhvillimet që po ndodhin dhe pritet të ndodhin në vazhdim, nuk janë fare rastësi…/tesheshi.com/
