Sezonin e shkuar Angel Di Maria ishte transferuar për një shumë rekorde tek Manchester United. Por, fillimi i këtij sezoni nuk e ka gjetur atë te “djajtë”, madje trajneri i skuadrës Luis Van Gaal nuk e di se ku ndodhet argjentinasi.
Di Maria nuk iu është bashkuar bashkëlojtarëve në turnetë parsezonal që skuadra e tij po i zhvillon në Shtetet e Bashkuara të Amerikës. Mesfushori kishte marrë pushim nga klubi pasi kishte luajtuar në Kupën e Amerikës Latine me kombëtaren e tij Argjentinën, mirëpo as pas asaj kohe nuk është rikthyer në skuadër.
Lojtari po e përgatitet për një transfer të rradhës, pasi mediumet franceze veç se e kanë bërë të kryer kalimin e argjentinasit tek Parisi skuadrën me të cilën u përball United këtë javë në një miqësore. Pas asaj ndeshjes Van Gaal kishte deklaruar:
“Nuk e di. Mund të më pyesni çdo javë dhe unë mund të ju them të njejtën përgjigjje. Ndoshta ju e dini më mirë se unë” ishte shprehur holandezi. /tesheshi.com/
