Karikaturistët në Lindjen e Mesme përdorën artin e tyre për të komentuar jehonën botërore ndaj fotografisë së djalit të vogël sirian, që dallgët e nxorrën në breg të mbytur pasi anija ku ai udhëtonte me nënën dhe vëllain pak më të madh u fundos në brigjet turke.
Një karikaturë e postuar në Facebook nga karikaturisti sirian, Juan Zero tregon një ushtar që qëndron sipër trupit të djalit dhe e pyet: “Preferon Gjermaninë apo Suedinë?”
Një tjetër karikaturë tregon djalin e vogël në breg të detit ndërsa një kamion zbraz qindra pëlqime Facebook-u sipër tij.
Ndërkohë, një imazh tjetër paraqet një grup burrash nga vendet e Gjirit, që hapin nja varr për djalin e vogël, që është i paraqitur me ngjyra, përkundër figurave bardhë e zi.
Dicitura shkruan: Numri i refugjatëve të mirëpritur nga Arabia Saudite, Katari, Kuvajti, Emiratet, Bahreini:0.
Karikaturisti iranian, Mahnaz Yazdani krahason atë që fëmijët duhet të bëjnë, të flenë të qetë e të shëndetshëm, me realitetin me të cilin përballen refugjatët sirianë nën diciturën: Në kërkim të një tokë të sigurtë.
/tesheshi.com/
Përgatiti: Juli Prifti
