Një tragjedi ndodhi këto ditë në brigjet italiane, ku kryetarja e shtëpisë botuese amerikane Bloomsbury, Adrienne Vaughan, u vra në sy të të shoqit dhe dy fëmijëve të vegjël, kur skafi i tyre u përplas me një varkë me vela.
Autorja 44-vjeçare, Adrienne Vaughan, kompania e së cilës njihet më së shumti për librat “Harry Potter”, ra në ujë nga përplasja, e gjendur midis dy mjeteve lundruese, ku në këtë situatë u plagos për vdekje nga helika e skafit, raportojnë mediat lokale.
Pamjet tronditëse të xhiruara nga një person në jaht, ku po zhvillohej një festë, tregojnë të ftuarit duke kërcyer kur papritmas muzika pushon dhe të gjithë nxitojnë të shohin se çfarë i goditi.
Incidente sulla costa amalfitana in cui ha perso la vita una turista americana. Il motoscafo della turista si è scontrato con un veliero dove si stava festeggiando un matrimonio. #amalfi pic.twitter.com/dn6TfT3I9s
— Colonnello Kurtz (@danilomik1) August 4, 2023
Vaughan dhe familja e saj kishin marrë me qira skafin dhe po bënin turne në “Fiordo Di Furore” në brigjet e Amalfit pranë Napolit, të enjten mbrëma.
Dhe tani, raportohet se drejtuesi i një skafi që dërgoi në vdekje amerikanen Adrienne Vaughan, (presidente e Bloomsbury USA, dega amerikane e Bloomsbury Publishing, shtëpia botuese britanike që botoi romanet Harry Potter) kishte përdorur drogë dhe konsumuar alkool siç tregohet nga rezultatet e testeve toksikologjike.
Elio Persico, 30 vjeç, përballet me akuza të shumta – duke përfshirë vrasjen nga pakujdesia dhe plagosjen nga pakujdesia.
Burri i Vaughan, Mike White, u tha autoriteteve se Persico ishte shpërqendruar nga celulari i tij në udhëtimin fatal.
“Ai ishte gjithmonë në telefon,” u tha White autoriteteve, sipas Il Messaggero.
Prokurorët thuhet se po kërkojnë të dhënat telefonike të Persico-s si pjesë e hetimit në vazhdim për fatkeqësinë detare të Amalfit.
Nga analizat toksikologjike rezultoi se i dyshuari para se të hipte në timonin e skafit kishte konsumuar alkool dhe kokainë.
Prokurori Giuseppe Borrelli vuri në dukje se një ekspert po shqyrton gjetjet për të përcaktuar se çfarë ndikimi mund të kenë pasur droga dhe alkooli në aftësinë e Persico-s për të kryer detyrat e tij.
Ai, i cili ka pësuar thyerje në brinjë dhe lëndime në legen, ndodhet në spital. White u plagos dhe i është nënshtruar një operacioni në klavikulën e tij, ndërsa fëmijët e çiftit – Leanna, 14 dhe Mason, 11 – nuk u lënduan, por janë nën vëzhgim psikiatrik pasi panë nënën e tyre të vrarë para syve.
Fëmijët u vunë nën kujdesin e pronarit të banesës që prindërit e tyre kishin marrë me qira për pushime. /tesheshi.com/
