Nga Ahmet Zani
Tragjedia e Mamurrasit është shkaktuar pas një tentativë pajtimi, por që në fund ka ndezur më shumë gjakrat mes dy palëve, që ishin edhe kushërinj me njëri-tjetrin, por që në fund janë ndarë me viktima dhe të plagosur.
Prej kohësh qyteza e Mamurrasit, e njohur për probleme, kishte rënë në qetësi. Por që u prish sot, pas një konflikti dramatik.
Zanafilla e kësaj përplasje vjen nga dy djemtë kushërinj me mbiemrin Mamli, nga një fshat fqinj i Mamurrasit. Ata ishin përplasur për disa pazare jashtë vendit por që u ulën në një lokal në qytet për t`u pajtuar.
Dorjan Mamli dhe Enrik Mamli kanë tentuar të sheshojnë mosmarrëveshjet e lindura në në një shtet fqinj, ndërsa në ndihmë të tyre me qëllimi pajtimin kanë ndërhyrë dhe Idri Tafa si dhe djali i tij Naim Tafa, të cilët kishin lidhje miqësie me Dorianin, por gjithçka ka rezultuar pa rezultat madje me viktima.
Pas dështimit të bisedave të patjimit, Enriku dhe Dorjani janë larguar nga lokali me dy autoveturat e tyre duke u takuar sërish pranë lokalit ku dhe ishin ndarë duke shkëmbyer tashmë jo bisedat por breshëritë e plumbave.
Në fillim Enrik Mamli, i cili udhëtonte me një fuoristradë dhe Doriani së bashku dhe me mikun e tij Naim Tafa, i cili pas shkëmbimit të plumbave ka mbetur i vdekur, ndërsa Dorjani i plagosur.
Më parë dy automjetet janë përplasur me njëri-tjetrin dhe më tej ka nisur lufta si në far west ndërmjet tyre, duke shkaktuar dhe të plagosur të tjerë, madje dhe kalimtarë të rastit, përfshirë babain e viktimës, Idriz Tafa që ndodhet në Spitalin Ushtarak.
Viktima, Naim Tafa ka qenë i dënuar në shtetin fqinj dhe vetëm prej pak ditësh kishte përfunduar vuajtjet e burgut.
/tesheshi.com/
