Një pakujdesi në përdorimin e gazit ka shkaktuar një tragjedi të vërtetë në një ëmbëltore në zonën e “Don Boskos” në Tiranë.
26 vetë janë lënduar, ku gjashtë prej tyre në gjendje të rëndë nga djegiet e shkaktuara si pasojë e shpërthimit të bombolave të gazit.
Siç mësohet deri në këto momente 26 persona kanë kërkuar ndihmë në Spitalin e Traumës, ndërsa shtatë prej tyre janë në gjendje të rëndë.
Dy prej punonjësve të ëmbëltores, të cilët kanë qenë brenda në momentin e shpërthimit, dhe një i tretë thuhet se janë në rrezik për jetën.
Shpërthimi ka qenë aq i fuqishëm, sa ka lënduar edhe persona në rreze prej 100 metra, duke përfshirë këtu edhe ata përballë rrugës.
Gjithashtu, tre biznese në katin e parë dhe disa pallate në katin e dytë dhe të tretë të kësaj ndërtese kanë pësuar dëme të mëdha materiale.
Policia dhe zjarrfikësit menjëherë kanë mbërritur në vendngjarje, ndërsa për të njëjtën nuk thuhet edhe për ambulancën, pasi këta të fundit janë vonuar. /tesheshi.com/
