Tradita e marrjes së detyrës nga presidenti amerikan më 20 janar filloi në vitin 1937.
Më parë, presidentët e zgjedhur në nëntor merrnin detyrën në 4 marsin e të ardhshëm.
Ndryshimet në Kushtetutën e vitit 1933 përcaktonin që mandatet e presidentit dhe zv.presidentit përfundonin në mesditën e 20 janarit pas vitit të zgjedhjeve.
Ndryshimi u propozua në mars 1932 dhe procedura e ratifikimit përfundoi në 23 janar 1933.
Ceremonia, tradicionalisht jashtë
Pavarësisht nëse zgjidhet një president dhe zv.president i ri i SHBA, ose presidenti aktual fiton një mandat të dytë, ai ose ajo duhet të bëjë një betim para një gjykatësi të Gjykatës Supreme para Kapitolit në Uashington.
Mandati 4-vjeçar, nga Presidenti i parë, George Washington, më 30 prill, 1789, u përcaktua gjithashtu nga Kushtetuta.
Pas betimit, Presidenti mban një fjalim mirëseardhjeje, në të cilin ai thekson qëllimet e tij më të rëndësishme në këtë detyrë.
Ceremonia mbahet tradicionalisht jashtë, me përjashtime të rralla për shkak të motit të keq.
Ronald Reagan u betua për një mandat të dytë në 1985 në ndërtesën e Kongresit, pasi jashtë ishte minus 15-gradë.
Një pjesë integrale e inaugurimeve deri më tani ka qenë një paradë prej dy miljesh poshtë Pennsylvania Avenue deri në Shtëpinë e Bardhë, së bashku me argëtime të tjera, festa dhe fishkezjarre në mbrëmje.
Këtë vit, për shkak të pandemisë së virusit korona, Joe Biden do të shkojë në Shtëpinë e Bardhë vetëm në një shoqërim ushtarak dhe një “procesion virtual” do të transmetohet në televizion.
Tribunat për të parë paradën nuk do të vendosen këtë vit.
Ceremonia, nga shtëpia
Këshilla zyrtare është: “Planifikoni të shikoni festimin nga shtëpia këtë vit.”
Në vend të 200,000 biletave të zakonshme për ceremonitë e inaugurimit, do të ketë vetëm 1,000 këtë vit.
Himni do të këndohet nga Lady Gaga, shoqëruar nga Jennifer Lopez, ndërsa ylli i kinemasë Tom Hanks do të moderojë një program special televiziv, i cili do të transmetohet njëkohësisht nga të gjitha televizionet kryesore amerikane përveç Fox.
Presidenti i tanishëm Donald Trump ka thënë më herët se ai nuk do të marrë pjesë në inaugurimin e pasardhësit të tij, Joe Biden. /tesheshi.com/
