Ministri i Mbrojtjes i Koresë së Veriut dhe përgjegjësi i forcave të armatosura, Hyon Yong-chol është vrarë nga një ekzekutim me armë antiajrore.
Ky është lajmi i raportuar nga agjencia e shtypit koreano-jugor, Yonhap. “Faji” i ministrit mendohet të jetë se ai ka treguar mungesë respekti ndaj Kom Jong-un, pasi e ka zënë gjumi gjatë një eventi ushtarak. Dyshohet se ai edhe ka kundërshtuar liderin koreanoverior në disa urdhra të dhëna për tu zbatuar.
Akuza që rëndonte mbi ministrin e Mbrojtjes së Koresë së Veriut, i cili është gjykuar me 30 prill është ajo e “tradhtisë së lartë, dhe mungesë respekti” ndaj liderit suprem.
Sipas një raporti të National Inteligence Service (NIS), agjencia e inteligjecës së Koresë së Jugut ka ekzekutuar deri më tani 15 nga zyrtarët e lartë të drejtësisë në Pyongyang. Në vitin 2013, Kim Jong-un urdhëroi ekzekutimin e xhaxhait të tij, Jang Song-Thaek, i cili ishte numri dy i regjimit totalitar të ‘liderit të dashur’. /tesheshi.com/
