Kreu i grupit parlamentar të PS-së, Taulant Balla, komentoi çështjen “Toyota Yaris”, për të cilën u thirr së fundi në SPAK, për t’u pyetur nga prokurorë belgë, vetë kreu i PD-së Basha.
Në parlament në 2019-ën, ishte pikërisht Basha ai që implikoi Ballën me eurot e gjetura aty, duke parathënë ardhjen e tyre nga jashtë, gjë që më pas çoi në një padi të zyrtarit të lartë socialist ndaj kryedemokratit.
“Historia me akuza të pavërteta po merr goditjen e duhur sepse nëse Basha para tre ose katër vitesh akuzonte me të njëjtën mënyrë si babai i tij politik, sot jemi në kushtet kur duhet të paguajë kostot e kësaj politike.
Sot mendoj se Basha ka kohën në dipozicion për t’iu përgjigjur prokurorëve belgë dhe shqiptarë.
Gënjeshtra e Lulit ishte gënjeshtër, me dijeni apo pa dijeni dëmtoi një operacion policor”, tha Balla, duke shtuar: “Jam shumë krenar që e kam fituar këtë betejë. Basha të merret me ato që ka bërë vetë. Edhe Luli është duke korrur ato që ka mbjellë. Dhe Saliu është duke korrur ato që ka mbjellë me Lulin”.
Sa për atë që Basha u përmend prangat aktorëve të mazhorancës, Balla tha se “prangat e Lul Bashës janë një fabul që Basha në radhë të parë duhet të mbajë përgjegjësitë e veta për shumë alliverishe dhe pisllëqe që ka bërë me Berishën”. /tesheshi.com/
