Toto Riina, një legjende e mafias, u varros sot në vendlindjen e tij, në Korleone të Siçilisë, ku e përcollën për ne botën tjetër vetëm bashkëshortja, Antoneta Bagarella, e 3 fëmijët, Lucia, Salvatore e Maria Concetta, ndërkohë që djali tjetër, Giovanni ndodhet i burgosur i dënuar me 4 dënime të përjetshme për vrasje.
E gjithë ceremonia ishte mëse private, pasi policia morri masa duke rrethuar varrezat që askush mos afrohej teksa familja kryente varrimin e të ndjerit famëkeq.
Megjithatë, një prift ishte i pranishëm me një meshë të shkurtër, duke bekuar për herë të fundit vrasësin e dhjetra njerëzve, ndër to dhe të dy personaliteteve të drejtësisë italiane, Borselino e Falkone. Ndodhi kjo, ndërsa kisha katolike italiane e kishte ndaluar më parë zhvillimin e një ceremonie publike për Totton bazuar në nenit 3 të Kodit të së Drejtës Kanonike i cili thotë se: “Nëse para vdekjes nuk asnjë shenjë pendimi, mëkatarët e qartë duhet të privohen nga varrimi kishtar.” /tesheshi.com/
