Gjyqtarja Joana Qeleshi, ajo e cila ka dhënë vendimin për 45 ha tokë shtetërore për t’i kaluar dikujt me argumentin se “ai është përkujdesur në vite për të duke e kositur barin”, ka folur për herë të parë, por vetëm me një fjali: “Kam folur nëpërmjet vendimit”, ka thënë ajo, duke lënë të nënkuptuar se nuk lëviz nga verdikti i saj ligjor bazuar në argument social, një rast i rrallë ky në shkencat juridike.
Dhe ka qenë ky vendim që çoi në një konflikt pronësie, ku si pasojë u rrah barbarisht biznemeni libanez Faadi Mitri, i cili u largua ga Shqipëria ditë më parë në barelë me gjysmën e trupit në allçi.
Sakaq, ministri i Drejtësisë Ylli Manjani, ka paralajmëruar furtunë në gjykatën e Durrësit, aty nga ka dalë vendimi, pasi e ka konsideruar atë si skandaloz. /tesheshi.com/
