Rebelët huthinj të Jemenit lëshuan një predhë raketore drejt provincës jugperëndimore të Arabisë Saudite, Jazanit, duke vrarë tre civilë.
“Milicia terroriste iraniane Huthi ka shënjestruar civilët me një predhë duke vrarë tre civilë në Jazan”, tha zëdhënësi i koalicionit Kolonel Turki al-Maliki.
Maliki tha se predha ishte lëshuar qëllimisht për të civilët dhe paralajmëroi për hakmarrje.
“Komanda e Forcave të Përbashkëta të koalicionit do të godasë me grusht të hekurt të gjithë ata që kërcënojnë sigurinë e shtetasve sauditë”, tha ai.
Rebelët Huthi të mbështetur nga Irani kanë rritur sulmet me raketa kundër Arabisë Saudite fqinje, e cila në krye të të një koalicioni ushtarak i lufton ata që nga viti 2015.
Të martën, mbrojtja ajrore e Saudisë kapi një raketë balistike që synonte qytetin perëndimor të Yanbusë pasi u lëshua nga një territor jemenas nën kontrollin e huthinjve.
Riadi akuzon rivali i saj rajonal, Teheranin për furnizimin e huthinjve me raketa balistike, një akuzë që Irani e mohon.
Arabia Saudite, Emiratet e Bashkuara Arabe dhe aleatët e tjerë arabë ndërhynë në Jemen në vitin 2015 për të luftuar huthnjtë e rivendosur qeverinë e njohur ndërkombëtarisht, rrëzuar prej tyre. /tesheshi.com/
