I është cilësuar “gafë” ish-ministres Olta Xhaçka një frazë e lëshuar prej saj, e cila ka ngjarë me një lloj racizmim krahinor. Duke sqaruar te Grida Duma në TCH biznesin e bashkëshortit të saj ish-deputet, Artan Gaçi, atë me plazhe dhe investime në turizëm në bregun e Jonit në Rivierë, ajo tha në një moment:
“Lidhja e kontratës për përdorimin e plazhit është përkundrejt tarifës, është e përvitshme si gjithë subjektet e tjerat. Ke vetëm prioritet për mos ardhur dikush nga mali dhe të të vërë çadrat në plazh”.
Në fakt, gjykuar në kontekst nuk është gafë. Ndoshta mund ta kish thënë ndryshe që mos i merrej jangllësh nga media(siç). Sepse vijon të ndodhë ende në bregdetin shqiptar psikologjia e “tokës së xanun”, me individë që nga mali apo nga fusha, rendin të ngulin çadra paligjshmërisht në breg.
Por në gojën e një figure politike në pushtet, ajo ka gjasë të keqintepretohet. Olta Xhaçka, tashmë pa ndonjë post zyrtar, po vuan faktin që bashkëshorti i saj është shpallur “investitor strategjik” nga qeveria për investuar në bregdetin e Jonit. Një ditë më parë, ajo i shpëtoi më votë në parlament një çuarje të mandatit të saj në Kushtetuese, siç e kërkon opozita, për t’ju hequr me arsyetimin e konfliktit të interesit. /tesheshi.com/
