Ka probleme në futboll, pranoi Gianni Infantino, president i Federatës Ndërkombëtare të Futbollit (FIFA), duke bërë thirrje për “unitet në luftën kundër racizmit dhe dhunës”.
Njeriu i parë i FIFA-s është mysafir në Asuncion, në Kongresin e Konfederatës së Futbollit të Amerikës Jugore (Conmebol), nga ku vazhdimisht ka bërë thirrje për unitet kundër dhunës dhe racizmit, raporton AFP.
“Vinicius dhe lojtarët e tjerë po vuajnë për shkak të tij. Sulmet kundër tyre nuk kanë arsye të ekzistojnë. Ne duhet të jemi të bashkuar kundër dhunës që ekziston në botë”, tha Infantino. “Ne duhet të veprojmë së bashku me qeveritë, klubet, lojtarët. Të shkosh në lojë duhet të jetë festë”.
Një sërë ndeshjesh futbolli, veçanërisht në Evropë, janë ndërprerë së fundmi për shkak të trazirave raciste në tribuna. Sulmuesi i Real Madridit, Vinicius shpesh është shënjestër e ofendimeve raciste, i cili së fundmi ka shpërthyer në lot teksa ka folur në një konferencë për shtyp për luftën kundër diskriminimit. /tesheshi.com/
