Një tjetër grabitje parash banke në Rinas ndodhi pasditen e kësaj ta marte, duke u pasuar dhe me një viktimë prej shkëmbimit të zjarrit mes polivisë dhe grabitësve.
Ngjarja ndodhi siç afro dy vite më parë, kur një automjet – kësaj here një furgon me mbishkrimin “Hetimi Tatimor” – arriti të futej deri në pistë duke rrëmbyer – siç përflitet – një sasi prej 10 milion eurosh nga barku i një avioni edhe me pasagjerë brenda, pasi ishin shkarkuar nga një automjet i blinduar që i transportoi ato nga një bankë e nivelit të dytë e deri në Rinas.
Dhe, gjatë ndjekjes nga policia, grabitësit në ikje kanë qëlluar drejt saj duke marrë të njëjtën përgjigje me zjarr. Si pasojë, ka mbetur i vdekur njëri nga grabitësit.
Ndjekja ka vijuar, por të tjerët nuk janë kapur duke u “tretur” në rrethinat e Fushë Krujës. Është arritur të kapet vetëm furgoni i grabitësve, ai me mbishkrimin “Hetimi Tatimor”.
Kjo është e treta vjedhja e bujshme në Rinas brenda dy vitesh, me shënjestër paratë e bankave. /tesheshi.com/
