Transferimi i yllit portugez nga Manchester United në Real Madrid, gjatë merkatos së verës në vitin 2009, vazhdon të jetë operacioni më i shtrenjtë në histori.
Megjithëse është transmetuar ditëve të fundit që transferimi i uellsianit, Gareth Bale nga Tottenham, ishte më i shtrenjti për shkak të shumës 101 milionë euro që pagoi Real Madrid për të, nuk doli të jetë kështu.
Krejt kjo, pasi klubi madrilien, kishte shpenzuar hiç më pak se 104,7 milionë euro për Cristiano Ronaldon. Përkundër që klubi kishte zyrtarizuar yllin portugez për shumën e 96,9 milionë euro, tani në publik ka dalë kontrata e vërtetë e transferimit të tij, ku klubi madrilien ishte i detyruar të paguante nga 72 milionë euro për çdo vit, në mënyrë që të finalizohej shuma e operacionit.
Transferimi i Ronaldos del të jetë një tjetër sagë rreth shumës së operacionit. Bale, Ozil, Falcao dhe Neymar, gjithashtu ishin viktimë të faqes investigative “Football Lakes”, e cila ka publikuar ditëve të fundit, materiale të shumta, lidhur me kontratat e futbollistëve./tesheshi.com/
