Po pse kur nuk ka akuzuar ndonjëherë Berisha dhe kur akuza e tij ka qenë e lehtë dhe e jo e fortë?
Kur vjen puna te raportimi i Berishës, deklarimeve të tij, media shqiptare është pak t’i thuash budallaqe; është aprofesionale deri trishtim. Më e pakta, ajo nuk merr në konsideratë kontekstet; kohën dhe personin që i thotë dhe çfarë thotë. Mjaft që Berisha të hap gojën dhe çdo raportohet me besnikëri të mahnitshme dhe të marrëzishme gjithashtu. Nuk ka selektivitet, nuk ka një analizë paraprake për atë çfarë do i serviret publikut dhe si. Nuk merret në konsideratë fakti se po raportohet një ritual 30-vjeçar pothuajse me të njëjtin fjalor. Dhe nuk është çështja të thuhet nëse është bezdisur publiku; vetë gazetaria a s’është bezdisur akoma?!
Titulli i mësipërm do ishte tërësisht logjik nëse do formulohej para 30 vitesh, ku Berisha pra ende nuk njihej në tërësinë e plotë të llojit të species politike. Por pas 30 vitesh, kur ende pa hapur gojë dihet se çfarë do thotë, apo më saktë se ç’akuza do bëjë, ku risi mund të jetë vetëm niveli i fantazisë, është naivitet që dhe media të vijojë të njëjtin ritual, gjithnjë pa u bezdisur ajo e para.
Titulli në fjalë do kish patur vlerë nëse do isha fjala për një figurë serioze, të urtë, për një njeri që i peshon fjala, që di s’e ç’nxjerr nga goja, nuk që nuk flet shpesh por rrallë, ama që kur flet vërtet trondit, aq më tepër kur artikulon një akuzë, gjë të cilën nuk e ka për zakon. Të gjitha këto kanë për kurorë shkallën e lartë të besueshmërisë. Tani ç’lidhje ka Berisha me këtë profil hipotetik?!
Ndaj, nuk është mëkat edhe të mos e raportosh fare, aq më tepër edhe për xanxën “non grata” që mban mbi shpinë. Ose ose, kur të raportosh, të gjesh fillimisht një arsye te vetja për ta dëgjuar, për t’ia përcjell më pas dhe publikut. Të tilla Berisha pothuajse nuk ka, e gjersa s’është në pushtet, kur je i detyruar ta raportosh për vetë pozicionin politik, në kushtet kur as s’i opozitar s’pranohet, s’ekziston asnjë shkelje profesionale për të mos ia servirur publikut. Ky më pas është dhe akt human. /tesheshi.com/
