Ka nisur me një “lapsus” për të vazhduar me një dakortësi për të mos rënë dakord. Ministri i jashtëm grek Nicholas Kotzias e ka quajtur homologun e tij shqiptar “I dashur Dhimitër”, por ka marrë përgjigjen e kolegut që nuk kam lidhje me këtë emër: Më quajnë shqip Ditmir.
Nëse Greqia dhe Shqipëria nuk do ta zgjidhin vetë çështjen e kufirit detar atëherë do të jenë mekanizmat ligjore europiane si Gjykata Europiane e Strazburgut që pritet të marrë në dorë caktimin e hartës së re.
Por ky hap do të vijë vetëm nëse grupet ekspertë të dy palëve nuk do të bien dakord pas disa serish negociatash.
Këtë e ka deklaruar ministri i Jashtëm shqiptar, Ditmir Bushati, në konferencën e përbashkët për shtyp me homologun e tij grek, Nikolas Kotzias, i cili ka ardhur në Tiranë për një vizitë zyrtare.
Tirana dhe Athina do të rishikojnë traktatin e Miqësisë të firmosur në vitin 1992 nga Berisha dhe Micotaqis, i cili është dokumenti bazë i funksionimit të marrëdhënieve ndërmjet dy vendeve.
Ministri i Jashtëm Kotzias ka deklaruar se ligji i luftës mes dy vendeve nuk ekziston konkretisht por ndërkohë pas pyetjes në lidhje me ccështjen ccame ka deklaruar se qytetarët nga Ccamëria nëse kanë probleme pronësore janë të lutur t’i zgjidhin në gjykatat greke.
Tirana dhe Athina kanë hasur në kundërshti në lidhje me marreëveshjen detare për ndarjen e kufirit dhe në fund kanë mbështetur caktimin e një grupi ekspertësh ndërkombëtarë që do të hartojnë hartën e re detare.
Dy ministrat e jashtëm kanë zhvilluar një seancë të gjatë negociatash të vështira që janë zhvilluar në Ministrinë e Jashtme ndërmjet homologëve Ditmir Bushati dhe Nicholaos Kotzias. Bisedimet kanë zgjatur 2 orë dhe më pas kanë dalë në konferencën për shtyp.
Ministri i Jashtëm shqiptar deklaroi se kemi diskutuar në mënyrë të hapur për të një traktat të ri të miqësisë mes dy vendeve dhe çëshjet që na ndajnë nuk kanë pse na ndikojnë në vazhdimësinë e marrëdhënieve në fusha të tjera.
Bushati ka falënderuar qeverinë greke për miratimin e ligjit të ri që u jep shtetësinë fëmijëve të emigrantëve shqiptarë.
Ndërkaq, ministri i Jashtëm grek, Kotzias ka deklaruar se emigrantët shqiptarë në Greqi janë e ardhmja e marrëdhënieve Tiranë-Athinë.
Kotzias, në çështjen e marrëveshjes detare theksoi se negociatat do të vazhdojnë dhe pritet që të arrihet diçka gjatë vizitës zyrtare që Ditmir Bushato do të zhvillojë në Athinë.
Ministri i Jashtëm grek, Nikolas Kotzias ka nisur vizitën zyrtare në Tiranë. Takimin e parë shefi i diplomacisë së vendit fqinj e pati me homologun shqiptar, Ditmir Bushati.
Vizita merr rëndësi pas një periudhe jo të mirë të marrëdhënieve mes dy vendeve, pasi Greqia nisi kërkimet për naftë dhe gaz në zonën detare shqiptare.
Kotzias gjatë ditës së sotme ka një axhendë të ngjeshur takimiesh, ku pritet të të takohet dhe zhvillijë bisedime me drejtuesit e lartë të shtetit shqiptar. Pas takimit me Bushatin, sipas axhendës së përcaktuar Kotzias do të takohet edhe me kryeministrin e Shqipërisë, Edi Rama dhe kreun e shtetit, Bujar Nishani, si dhe me kryeparlamemtarin Ilir Meta. Pjesë e axhendës së takime të Kotzias në Shqipëri është edhe takimi me kreun e opozitës, Lulzim Basha./tesheshi.com/
