SHBA ndryshon strategji ndaj Koresë së Veriut.
Pasi pa që Kina nuk do të jetë në linjën e fortë kundër Phenianit komunist, dhe ndërkohë që ka dërbuar bombarduesit të fluturojnë ulët mbi Kore, Sekretari amerikan i Shtetit, Rex Tillerson i ka bërë një ftesë liderit komunist për dialog dhe ulje tensionesh.
Qëndrimin e tij Tillerson e ka shprehur përpara një samiti aziatik që do të mbahet në Manila më 5 gusht ku do të takohen gjtihë vendet e rajonit.
Siç bën të ditur Departamenti i Shtetit në një njoftim për shtyp, Tillerson do të zhvillojë një vizitë të rëndësishme në Malajzi për të promovuar rëndësinë e këtij vendi në rajonin e trazuar ta Azisë.
Është fakt që Indonezia dhe Malajzia, dy shtetet me popullsi shumicë muslimane janë edhe vendet që nuk nxisin tensionin në rajonin e pasur të Azi-Paqësorit.
Tillerson, në një konferencë shtypi iu drejtua Koresë së Veriut me fjalët: “ne nuk jemi armiku juaj” dhe bëri thirrje për dialog në klimën e tensioneve që po rriten me shpejtësi.
“Ne menduam se gjëja më e përshtatshme që duhej të bënim ishte presioni paqësor ndaj regjimit të Koresë së Veriut, në mënyrë që gradualisht ata të tregoheshin të gatshëm për t’u ulur dhe biseduar me ne dhe me të tjerët”, tha Tillerson që në mënyrë të prerë deklaroi se nuk do të lejohet në asnjë mënyrë që Koreja e Veriut të ketë armë bërthamore.
Ndërkaq, Sekretari amerikan i Shtetit ka përdorur një gjuhë “kineze” ndaj Pekinit.
“Ne jemi në një farë pike kthese në marrëdhëniet me Kinën dhe ne e kuptojmë që kushtet kanë ndryshuar”, tha kryediplomati amerikan. /tesheshi.com/
