Sekretari amerikan i Shtetit, Rex Tillerson, ka pohuar sot se SHBA-të janë në “kontakt të drejtpërdrejtë” me Korenë e Veriut.
Ai tha se Uashingtoni ishte “duke hetuar” mundësinë e bisedimeve me Phenianin, raporton BBC.
“Ne kemi linja të komunikimit me Phenianin,ne nuk jemi në një situatë të errët”, tha ai gjatë një udhëtimi në Kinë.
Koreja e Veriut dhe SHBA-të janë angazhuar në një retorikë të nxehtë në muajt e fundit, por nuk dihej më parë se kishin linja komunikimi.
Presidenti i SHBA, Donald Trump, ka kërcënuar të asgjësojë Korenë e Veriut, duke thënë se udhëheqësi i vendit, Kim Jong-un, “është në një mision vetëvrasës”, gjë që bëri që Kim të lëshojë një deklaratë duke u zotuar të “zbusë SHBA-të “. /tesheshi.com/
