Sekretari amerikan i Shtetit, Rex Tillerson tha të dielën se presidenti Donald Trump e kishte udhëzuar atë të vazhdonte përpjekjet diplomatike për të qetësuar tensionet në rritje me Korenë e Veriut.
Ai tha se këto përpjekje diplomatike do të vazhdojnë deri në lëshimin e bombës së parë.
Duke folur në emisionin “State of the Union” të CNN, Tillerson minimizoi mesazhet që presidenti Trump kishte postuar më parë në Twitter duke sugjeruar se ai ishte duke humbur kohën në përpjekje për të negociuar me “njeriun e vogël raketë”, një pseudonim nënçmues që Trump ka shpikur për udhëheqësin e Koresë së Veriut, Kim Jong Un .
“Trump më ka bërë të qartë që të vazhdoj përpjekjet e mia diplomatike”, tha Tillerson. /tesheshi.com/
