Tifozët e Beshiktashit kanë “marrë hak” ndaj futbollistit serb, Dushko Toshiq, duke ia tundur para hunde flamurin shqiptar.
Kjo, si “hakmarrje” pra ndaj gjestit të serbit që ngriti lart tre gishtat pas golit të dytë në “Elbasan Arena” gjatë përballjes me Shqipërinë.
Regimi i tifozerisë së Beshiktashit qe i menjëhershëm që atë ditë, duke e quajtur atë si gjest fashist, ngase tre gishtat nuk janë si shqiponja, pasi me atë lloj simboli janë kryer të gjitha masakrat serbe në Ballkan, përfshirë dhe ato ndaj shqiptarëve.
Dhe kështu, dje ata e ftuan Toshiqin pranë tyre ne stadium ku më pas ia nxorrën dhe ia shpalosën para hunde flamurin shqiptar, gjë që sigurisht nuk i erdhi mirë futbollistit serb që luan me fanellën e ekipit turk, Beshiktash. /tesheshi.com/
