Auto Dak
Auto Dak
Auto Dak

Dhuna në Palestinë: John Kerry do të takojë Netanyahu-n dhe Abbas-in

Një përshkallëzim i tejskajshëm i dhunës izraelite në territoret e pushtuara palestineze, bashkëshoqëruar me protesta, incidente e vrasje të përditshme, e kanë detyruar sekretarin amerikan të Shtetit, John Kerry, që në turneun e tij europian të përfshijë dhe takimet me udhëheqësit izraelitë dhe palestinezë.

Kerry bëri të ditur se do t’i takojë ndaras Netanyahu-n, kryeministrin izraelit, dhe Mahmud Abbas-in, presidentin e Autoritetit Palestinez, në Gjermani dhe në Lindjen e Mesme.

Në ndalesën e tij të shkurtër në Paris, sekretari amerikan i Shtetit njoftoi se me kryeministrin izraelit do të takohej në Gjermani pasi dhe ky i fundit do të gjendej atje, për të vijuar më pas me një udhëtim për në Lindjen e Mesme, ku veç Abbas-it, ka për t’u takuar dhe me mbretin Abdullah të Jordanisë, si dhe me autoritete të tjera të rajonit.

Gjithsesi, Kerry nuk njoftoi saktësisht për kohën e takimeve.

Ndërhyrja e dhunshme izraelite muajin e shkuar në kompleksin e xhamisë el-Aksa e ka rritur së tepërmi tensionin mes izraelitëve dhe palestinezëve. Ndërkaq kanë nisur të dëgjohen dhe thirrjet për një intifadë tjetër nga ana e palestinezëve. /tesheshi.com/

auto pjese dak

Related posts