Muhamed Salah nuk ka pasur kurrë një sezon të tillë. Ai ka shënuar 32 gola në 38 ndeshje në vitin e tij të parë me Liverpulin dhe i ka mundësuar ekipit të plasohet në vendin e tretë në renditjen e Premier Ligës, shkruan The Washington Post.
Ky sukses i tij ka bërë tifozët e Liverpulit që të thurin vargje përplot lëvdata për të.
“If he’s good enough for you/He’s good enough for me”, (“Nëse ai është mjaft i mirë për ju/ai është mjaft i mirë për mua”, thërrasin përkrahësit e Liverpulit në një këngë të re në nder të Salahut. “If he scores another feë/then I’ll be Muslim too!”, (“Nëse ai shënon edhe disa (gola) tjerë/Atëherë do të jem musliman gjithashtu”)!
Salah është një nga lojtarët më të njohur muslimanë në Angli, dhe sigurisht yll i Premier League që kur Liverpuli pagoi për të 34 milionë funte (gati 48 milionë dollarë) në një pagesë transferimi nga AS Roma të Italisë vitin e kaluar. Ai është gjithashtu shumë i lidhur për besimin e tij, shpesh duke rënë në sexhde pasi të ketë shënuar ndonjë gol.
Kjo është ajo që e bën këtë këngë të re, në të cilën tifozët këndojnë se do të shkojnë pas Salah-ut në xhami pasi ai të shënojë, në mënyrë të habitshme të mirëpritur nga ekspertët që ndjekin futbollin ndërkombëtar.
Tifozët britanikë me sa duket njihen për sjelljet më të këqija në botë, sipas statistikave të mbajtura nga Rrjeti FARE (më parë Futboll kundër Racizmit në Evropë), një organizatë jo-fitimprurëse me bazë në Londër që studjon diskriminimin në futboll.
Kjo organizatë analizoi 1,378 ndeshje futbolli gjatë sezonit 2015-16 dhe 2016-17 dhe regjistroi 539 incidente të natyrës raciste, antisemite, homofobike, nacionaliste dhe islamofobe, sipas raporteve mujore të grupit. Tifozët britanikë ishin përgjegjës për 59 prej këtyre incidenteve, më shumë se çdo vend tjetër.
Dhe tani pasi u shfaq Salah, tifozët kanë ndryshuar përnjëherë tonin e tyre.
“Kjo është hera e parë që kam parë një vlerësim kaq të bujshëm, të hapur dhe pozitiv që përfshin fenë e një lojtari”, tha Drejtori Ekzekutiv i FARE, Piara Powar.
Është një rast tjetër i një të vërtetë të thjeshtë në sportet profesionale, thotë Piara: Fitorja i bën të gjithë të ndihen mirë. Salah po luan shumë mirë, gjë që i nxit tifozët, duke i bërë ata më të prirur për të pranuar sfondin e tij etnik dhe fetar, edhe nëse ata nuk mund ta kenë bërë këtë më parë.
“Lojtarët e mirë i prishin pengesat”, tha Piara. “Ne e dimë se vlerësimi i dikujt si lojtar çon drejt hulumtimit të identitetit të tyre dhe, për shumë tifozë, një pranim të identitetit të tyre”. /tesheshi.com/
Vargjet:
