Ashtu siç dhe pritej, Berisha ia ka faturuar lehtësisht grushtin që pësoi nga një person dukshëm me probleme, pikërisht Ramës. Pa ndonjë fakt bindës, por në stilin e tij spekullativ përzjerë me teori konspiracioni, Berisha ka shfrytëzuar dhe faktin që Gert Shehu shkonte në xhami, për të krijuar filmin e tij mbi grushtin që pësoi edhe me elementë fetarë. 
“Ky është një akt i përgatitur nga Edi Rama, Bledi Çuçi dhe Ardi Veliu. U paraqit se zbatoi porosinë e një vëllai musliman, është i regjistruar kur thotë se zbatova porosinë e një vëllai musliman, por porosia është e Edi Ramës, i përdorur mes besimtarëve muslimanë”, tha Berisha në një konferencë për shtyp.
Duke vijuar me konspiracionin e tij, Berisha tha se “pasi e pa(Rama) që njerëzit u mblodhën dhe iu prish çdo skenar, përdori këtë”.
Ky njeri, është i përdorur nga pushteti. Ai mendoi se do merrja një goditje dhe s’do flisja dhe këtë do mund ta mbulonte me pistë islamike. Dhe një shumicë e krishterë siç është samiti, do e besonte.
Por ju e patë protestën. Ja dogja unë atij pistën islamike në miting, ja dogja”, ishte versioni thriller i Berishës.
Nga ana tjetër, vetë e ëma e Gerti Shehut, tha se të birin e ka me probleme mendore.
“Absolutisht nuk është përdorur. Problemet e tij ai i ka pasur të ndryshme. Absolutisht nuk kishte ndonjë simpati politike. As për të votuar nuk shkon. Unë nuk e di pse ka shkuar sot në protestë. I kërkoj ndjesë atij që i gjuajti, z. Berisha. Nuk dua që një parti politike të merret me hallet e tij. Më vjen shumë keq që merren me fatkeqësitë”, u shpreh e ëma e Gerti Shehut, 31-vjeç.
Ajo shtoi se para 10 ditësh, i biri ka kryer vizitën e fundit dhe pi në mënyrë të rregull ilaçet edhe dhëna nga mjeku Sadik Lala.
Sipas saj, djali i saj ka çrregullim bipolar dhe mjekohet prej 5 vjetësh. /tesheshi.com/
