Presidenti Hashim Thaçi, në krye të delegacionit të Kosovës, është nisur sot për në Nju Jork, ku do të marrë pjesë në seancën e radhës të Asamblesë së Përgjithshme të Kombeve të Bashkuara.
Me ftesë të Presidentit të SHBA-së dhe Zonjës së Parë, Melania Trump, në pushimet e Asamblesë, Thaçi dhe Zonja e Parë e Kosovës do të priten nga çifti presidencial Trump, njofton presidenca.
Gjatë vizitës, Thaçi pritet të ketë një takim te shkurtër me Presidentin Trump.
Presidenti Thaçi do të zhvillojë takime të shumta bilaterale me krerë të shteteve dhe udhëheqës të organizatave të ndryshme ndërkombëtare.
Ai do të marrë pjesë edhe në takimin e krerëve të gjashtë shteteve të Ballkanit Perëndimor, të organizuar nga përfaqësuesja e lartë e BË-së për Punët e Jashtme dhe Politkën e Sigurisë, Federica Mogherini.
Ne delegacionin e Kosovës është edhe zv.kryeministri dhe ministri i Jashtëm, Behgjet Pacolli. /tesheshi.com/
