Presidenti Thaçi ka zgjedhur të surprizojë poetin dhe shkrimtarin Dritëro Agolli në 85-vjetorin e lindjes. Kreu i shtetit kosovar, në ditën e parë të vizitës së tij në Tiranë e dekoroi “penën” njohur me “Urdhërin e Pavarësisë”.
Thaçi përmendi kontributet e tij në letërsi sa i përket kauzës kosovare, por nuk qe në gjendje të citojë ndonjë varg letrat nga krijimtaria e Dritëroit kushtuar Kosovës.
“Ju keni guxuar kur të tjerët nuk kanë guxuar ose kanë hezituar. Ju keni qënë një frymëzim për të gjitha gjeneratat në Kosovë.
Shpreh respektin tim personal dhe si president për mbështetjen e guximshme, si qytetar, si intelektual, per mbështetjen tuaj në luftën e Kosovës, për UÇK-në dhe figurën e Adem Jasharit, që Kosova të ishte e lirë dhe sovrane”, citohet t’i ketë thënë Thaçi njeriut të letrave shqipe. /tesheshi.com/
