“Pjesëmarrja e sotme e ministrit të Jashtëm të Serbisë, Ivica Daçiç në konferencën në Prishtinë është mesazh apo një hap përpara për normalizimin e plotë të marrëdhënieve mes Kosovës dhe Serbisë”, tha zv/kryeministri e ministri i Jashtëm Kosovar, Hashim Thaçi.
Ardhja e Daçiç në samitin në Prishtinë, theksoi Thaçi, “në të njëjtën kohë është një hap përpara në sjelljen tonë të lidershipit rajonal, të një sjellje evropiane të komunikimit, bashkëpunimit dhe participinmit në konferenca të përbashkëta, në interesa dhe vlera të përbashkëta euroatlantike”.
Zv/kryeministri e ministri i Jashtëm i Kosovës, Thaçi është përgjigjur kështu në interesimin e medias.
Me konferencën për shtyp, ku ka folur edhe Komisioneri i Bashkimit Evropian për Politikë të Fqinjësisë Evropiane dhe Negocim të Zgjerimit, Johanes Han, në Prishtinë përfundoi punimet Samiti i Ministrave të Jashtëm dhe të Transportit të vendeve të Ballkanit Perëndimor “Ëestern Balkans 6”, ku mori pjesë edhe Shqipëria.
Atëherë kryeministrat Hashim Thaçi dhe Ivica Daçiç (aktualisht ministra të jashtëm) zhvilluan takimin e parë në 19 tetor të vitit 2012, gjatë të cilit kishte tre raunde.
Në vitin 2013, kur janë zhvilluar 17 raunde, Thaçi dhe Daçiç kanë nënshkruar në Bruksel, në 19 prill, Marrëveshjen për Normalizimin e Marrëdhënieve ndërmjet Kosovës dhe Serbisë, të vlerësuar historike. (tesheshi.com)
