Kryetarja e Komunës së Gjakovës, Mimoza Kusari- Lila ka konfirmar themelimin e partisë së re në muajin tetor, së bashku me ish-vetëvendosësin Ilir Deda. Kjo ishte paralajmëruar kohë më parë.
“Jemi duke i bërë përgatitjet për regjistrimin e partisë dhe për mbajtjen e Konventës se parë, e cila do të mbahet në tetor”, ka thënë Kusari- Lila, e cila i largohet AKR-së së Pacollit duke e lënë këtë parti pa asnjë përfaqsues në nivele qeverisjeje.
Po ashtu, edhe në skenën politike të Shqipërisë, pritet të themelohet një parti e re, ajo e Ben Blushit dhe e Mimoza Hafizit, ku që të dy do i largohen PS-së.
Por ndërsa në rastin e parë kjo nuk ndodh pas ndonjë konflikti politik, në të dytin dyshja socialiste prej kohësh është në konflikt me kreun e partisë, Rama. /tesheshi.com/
