Bilanci i viktimave nga tërmeti i mesnatës duke u gdhirë e marta i kaluar 20. Janë më saktë 21. Një pjesë prej tyre janë identifikuar e një pjesë në identifikim e sipër. Vatrat e tragjedisë, aty po kërkohet ende në gërmadha, janë Durrësi e Thumana. Te kjo e fundit janë dy pallate të shembura, ndërsa në Durrës janë dy hotele, si dhe shtëpi.
Ishte ministrja Xhaçka ajo që informoi se “Deri në orën 18.30 minuta raportohet se 21 persona kanë humbur jetën në prefekturën Durrës, saktësisht në Durrës dhe Thumanë si pasojë e shembjes së godinave. E theksoj se ky bilanc tragjik mbetet ende per tu konfirmuar zyrtarisht nga strukturat përkatëse te shëndetësisë dhe rendit sipas protokollove te ekspertizës perfundimtare.
Në godinat e shembura vazhdon puna e kërkim shpëtimit, pasi një numër qytetarësh rezulton të jenë ende të bllokuar nderkohe qe për disa të tjerë nuk ka raportime nëse janë ndodhur apo jo në banesa, në momentin e lëkundjeve të tokës.
Falë ndërhyrjeve të ekipeve të specializuara, 45 persona kanë mundur të shpëtohen duke u nxjerrë nga rrënojat e duke u dërguar për ndihmë mjekësore. Rreth 600 banorë janë lënduar dhe kanë marrë ndihmën pranë spitaleve apo qendrave shëndetësore”, shkroi Xhaçka
Ja dhe emrat e disa prej tyre, të identifikuar:
1-Selvie Lala, 74 vjeçe.
2-Erisa Cara, 25 vjeçe.
3-Arjela Lala, 5 vjeçe.
4-Kristi Reçi, 25 vjeç.
5-Erjola Boshku, 25 vjeçe.
6-Sadik Qato, 80 vjeç.
7-Amelja Lala, 10 vjeç.
8-Sahate Lala, 50 vjeç.
9-Bajram Hajdarmataj.
10-Plator Zeneli, 70 vjeç. /tesheshi.com/
