Në 2-vjetorin e termetit, kryedemokrati Basha vijoi me të njëjtin stil opozitarizimi si atëherë, duke denoncuar qeverinë.
Ai ishte në një familje në Durrës, te ajo Shkalla, ku nga Nexhmija, e zonja, dëgjoi se shtëpia e tyre e dëmtuar nuk ëshët rehabilituar.
Më kartën e njohur të PPP-ve, Basha iu drejtua Nexhimijes:
“Një qeveri sadopak e përgjegjshme sot nuk do të mburrej me ndihmën bujare të donatorëve, të cilëve duhet t’u shpreh mirënjohjen në këtë 2-vjetor të 26 nëntorit, por do të kishte anuluar çdo shpenzim tjetër në veçanti shpenzimet e luksit dhe shpenzimet e koncesioneve të panumërta e të PPP-ve për t’u ardhur në ndihmë atyre që janë më shumë në nevojë, nijëra familjeve të dëmtuara nga tërmeti e në veçanti atyre që kanë mbetur pa
strehë e që janë në kushte të mjera ekonomike apo në rrethana të rënduara shëndetësore siç është dhe rasti juaj zonja Nexhmije me bashkëshortin, me Kujtimin në një gjendje të sëmurë dhe të paralizuar prej më shumë se dy vjetësh”.
Dhe për Bashën, kjo që bën ai s’është politikë.
“Ashtu siç kemi vazhduar të qëndrojmë pranë jush dhe pranë halleve tuaja pa ndarë dhe pa asnjë kalkulim politik apo paraelektoral, ashtu do vazhdojmë të qëndrojmë pranë jush derisa çdo problem i shkaktuar jo thjeshtë nga tërmeti por i rënduar nga keqeverisja dhe neglizhenca e tyre të marrë rrugë”, iu drejtua ai Nexhimijes. /tesheshi.com/
