Kryeministri grek, Aleksis Tipras është tërhequr kur ka parë një shumicë të madhe të popullit dhe e opinionit publik që nuk e mkanë përkrahur referendumin e shpallur prej tij.
Tsipras ka deklaruar se do të pranojë kushtet e kreditorëve ndërkombëtarë me disa ndryshime si pjesë të shtyrjes së paketës së tanishme të ndihmës dhe kërkesës për një paketë të re nga mekanizmi Europian i stabilizimit. Tsipras tha se do të pranojë reformat për tatimin e vlerës së shtuar në vend por me një ndryshim për ishujt grekë, për të cilët tvsh duhet të jetë 30 % më pak se për pjesën tjetër të vendit. Për çështjen e pensioneve, Tsipras deklaroi se masat për kërkesën për ta ngritur moshën e daljes në pension në 67 vjeç nga viti 2022, të fillojnë në tetor të këtij viti dhe jo menjëherë. Kërkesat e kryeminstrit grek pritet të diskutohen sot rreth orës 15:30 në mbledhjen e krerëve të eurozonës Deklaratat e Tsipras ndikuan menjëherë në bursa të cilat patën rritje, ku më e madhja ishte në bursën e Milanos me 2.2%.
Vëmendja e Greqisë është kthyer tek Banka Qëndrore Europiane prej së cilës pret një ndihmë emergjente ndërkohë që është në vështirësi për të paguar pagat dhe pensionet. BQE ka dërguar rreth 89 miliardë euro për bankat greke në muajt e fundit, por refuzoi një kërkesë të qeverisë greke në fundjavë për një ndihmë prej 6 miliardë eurosh. Rreth 1 mijë banka në të gjitha vendin do të jenë të hapura sot vetëm për pensionistët të cilët mund të tërheqin deri në 120 euro, por do të jenë të mbyllura deri të hënën për këdo tjetër.
Lounes Drgaskiz Zëvendës Kryeministri grek tha të martën se vendi i tij i ka kërkuar Fondit Monetar Ndërkombëtar që të shtyjë afatin e pagesës së kredisë deri në nëntorin e ardhshëm. Ndërsa ministrat e financave të eurogrupit refuzuan kërkesën e Athinës për shtyerjen e afatit të paketës së shpëtimit financiar që skadoi ditën e djeshme. Sot ministrat e eurozonës do të diskutojnë propozimet e reja që do ti paraqiten Qeverisë së Greqisë.
Gazeta gjermane Bild tha se qeveria greke ka ndryshuar qendrim nga kërkesa e parë për mos-pagesën e kredisë ndaj FMN-së dhe ka kërkuar shtyrjen e afatit të pagesës. Athina në të njëjtën kohë shpjegoi se ajo në parim do ti likujdojë borxhet e saj ndaj FMN-së.
Në një zhvillim lidhur me këtë, Presidenti i Eurogrupit Jeroen Damlom tha se ministrat e financave të eurozonës do të mbajnë një konferencë të dytë ditën e sotme nëpërmjet telefonit për të diskutuar propozimet formale të bëra nga qeveria e Kryeministrit grek Aleksis Tsipras.
Propozimet greke
Greqia ka kërkuar nëpërmjet një letre zyrtare të dërguar të martën ndaj Presidentit të eurozonës për shtyerjen e paketës së ndihmës për një periudhë të shkurtër kohe në mënyrë që të shmangen për momentin pamundësitë teknike të mosshlyerjes dhe kështu të hyjë në fuqi një pakete e re shpëtimi e rënë dakord nga Athina dhe kreditorët e tij.
Mirëo sipas Ministrit të Financave të Sllovakisë Peter Kazimirit eurozona ka refuzuar kërkesën e Greqisë për të shtyrë afatin e paketës së shpëtimit, e cila përfundoi ditën e djeshme, tha ai në një postim në Twitter dhe shtoi se afati i fundit i paketës ishte fundi i javës së kaluar dhe se për shkak të procedurës parlamentare është e pamundur që ky afat të shtyhet tani.
Demonstrim mbështetjeje
Nga ana tjetër, policia greke tha se të paktën njëzet mijë njerëz ishin mbledhur dje në mbrëmje në Athinë në mbështetje të qendrimit të greqisë në eurozonë dhe se kryesisht ata kundërshtonin qeverinë e Tsiprasit nga Sheshi Parlamentit. Në përgjigje të një nisme me slogan “Ne do të jemi në Evropë”, të pranishmit shprehën frikën e të ardhmes së vendit të tyre nëse kjo e fundit del jashtë eurozonës. Marrë nga Associated Press
/tesheshi.com/
