Pas kthimit në normalitet të situatës së përmbytjeve, ku e gjithë qeveria ishte çizmeveshur në terren, ministri i Rendit, Fatimir Xhafaj, im është kthyer të ashtuquajturës “Forca e Ligjit”, operacionit që siç tha, ka hyrë tashmë në fazën e veprimit konkret. Duke folur në një konferencë rajonale me tëmë “Lufta ndaj krimit të organizuar”, Xhafaj theksoi se në letra është përfunduar gjithçka.
”Ka përfunduar faza paraprake, ajo e katalogimit të grupeve kriminale me të dhëna për persona, lidhjet e tyre kriminale, aktivitetet e rënda kriminale të dyshuara se kryhen prej tyre, pasuritë që zotërojnë, investimet ekonomike të bëra me të ardhura nga aktiviteti kriminal, zonat e ndikimit, lidhjet me grupe të tjera jashtë vendit apo mbështetjet e siguruara në vite për të lehtësuar veprimtarinë e tyre. Tashmë ka filluar edhe veprimi konkret dhe rezultatet e para janë pozitive”.
Megjithatë, ky pohim i Xhafajt shkon përkundër fakteve të servirura nga media, ku veçohet TCH, që tregojnë se të arrestuarit e deritanishëm të “Forcës së Ligjit”, kanë rezultuar me dosje të pakopsitura. /tesheshi.com/
