Tensionohet situate në gadishullin Korean, pasi Veriu lëshoi një raketë balistike e cila fluturoi mbi Japoninë.
Por i menjëhershëm ka qenë reagimi i Koresë së Jugut, e cila ngriti bombarduesit e saj në një stërvitje luftarake në kufi me veriun.
Madje avionët kanë lëshuar 8 bomba mbi objektivë të improvizuar në zonën ku u krye stëvitja. Duket se kjo ishte përgigjia që Korea e Jugut i ka dhënë Kim Jong-ut, mëgjesin e së martës.
Presidenti Moon Jae-in urdhëroi veprimin ushtarak dhe bombat u lëshuan nga katër avionë luftëtarë “F-15K”.
Mendohet se ky bombardim në lindje të vendit erdhi për të “shfaqur aftësinë për të ndëshkuar” Korenë e Veriut nëse Kim Jong-un vendos të sulmojë.
Në anën tjetër raportohet se, Sekretari i Shtetit i SHBA-së, Rex Tillerson, dhe ministri i Jashtëm i Koresë Jugore, Kang Kyung-wha, kanë rënë dakort të diskutojnë vendosjen e sanksioneve më të ashpra ndaj Koresë së Veriut.
Agjencia e lajmeve e Jugut, Yonhap, ka cituar burime të paidentifikuara, duke thënë se ushtria amerikane është duke marrë në konsidarët dërgimin e aseteve strategjike në gadishullin korean./tesheshi.com/
