Debatet e ashpra për paketën e shpëtimit për të cilën ka rënë dakord kryeministri Cipras në Bruksel me kreditorët ndërkombëtarë të Athinës janë shoqëruar me përleshje po aq të ashpra në rrugë dhe në sheshin Sintagma.
Me mijëra ishin qytetarët e mbledhur në shesh për të protestuar kundër masave të kursimit që parashikon paketa. Marshimi i tyre me ndezjen e debatit në parlament ka devijuar në revoltë dhe në përleshje me policinë.
Protestuesit qëlluan me gurë dhe koktejle molotov në drejtim të forcave të policisë përreth godinës së parlamentit.
Policia ka reaguar me gaz lotsjellës dhe shkopinj gome për të shpërndarë protestat.
Më herët, kryeministri Tsipras u ka kërkuar deputetëve të tij mbështetjen për kalimin e marrëveshjes, në të kundërt qeveria rrëzohet. /teshe
shi/
