Vladimir Putin urdhëroi krijimin e një force të re rezervistësh si pjesë e përmirësimit të gatishmërisë ushtarake në kuadër të tensionimit të marrëdhënieve me Perëndimin.
Plani përshkruhet në dekretin presidencial si një eksperiment, e lejon ushtarët që lirohen nga Ushtria, të nënshkruajnë kontrata trevjecare si trupa me kohë të pjessshme.
Të gjithë burrat rusë duhet të kryejnë shërbimin e detyrueshëm kombëtar nga 18 deri në moshën 27 vjec. Disa milionë ish-pjesëtarë të trupave ushtarakë, konsiderohen rezervistë e që mund të mobilizohen në raste urgjente, por ata nuk paguhen dhe janë të trajnuar keq.
Forca e re do t’i përngjasojë më tepër trupave moderne britanike, me rezervistët që ndjekin trajnime të rregullta dhe marrin rroga të përmuajshme.
Autoritetet thonë se forca eksperimentale do të përbëhet nga 5 mijë trupa sa për fillim dhe do të bazohet në modelin izraelit. Ata do të jenë në gjendje të marrin rroga deri në 150 dollarë, raportoi media ruse. /tesheshi/
