Tensionet mes dy Koreve janë përshkallëzuar deri në pikën sa lideri koreanoverior, Kim Jong-un të shpallë gatishmërinë luftarake në linjën e frontit, pas shkëmbimit të zjarrit me Jugun përgjatë kufirit të fortifikuar.
Masa është ndërmarrë edhe në anën tjetër të kufirit, ndaj ushtarët e dy shteteve kanë ngritur gatishmërinë për t’u përballur me ndonjë konfrontim të mundshëm luftarak.
Kim Jong-un i ka dhënë ultimatum Koresë së Jugut për të ndalur propagandën kundër shtetit të tij. Në të kundërtën, ai ka paralajmëruar masa ushtarake ndaj shtetit fqinj.
Ky paralajmërim vjen pas përleshjeve të armatosura në kufirin mes dy Koreve. Dy Koretë vazhdojnë të jenë në luftë pavarësisht përfundimit të konfliktit në vitin 1953. Asnjëherë këto dy shtete s’kanë nënshkruar traktat paqeje.
Agjencia shtetërore e lajmeve në Korenë e Veriut citon drejtues shtetërorë të kenë thënë se duhet të jenë të gatshëm për luftë me Veriun.
Situata po ndiqet nga afër nga zyrtarët amerikanë dhe ata të OKB-së. Departamenti Amerikan i Shtetit ka kërkuar nga Peniani të shmangë çdo provokim dhe ka shprehur gatishmërinë për të mbrojtur Korenë e Jugut. /tesheshi.com/
