Sërish tensione në kuvend, duke bërë që seanca të ndërpritet për 5 minuta. Shkak është bërë ndërhyrja e deputetit të Partisë Demokratike, Flamur Noka, i cili nuk ka lejuar kryeministrin Rama të marrë fjalën në foltore. “Do të flasë Sali Berisha përpara, pastaj fol ti”, është shprehur deputeti, pavarësisht se i tërhiqej vëmendja. Sipas tij, në kohën kur po afrohej kreu i qeverisë për të mbajtur një fjalim, Noka bllokoi foltoren me pretendimin se ishte radha e Berishës, pasi e ai kishte kërkuar fjalën i pari.
Pas rinisjes së senacës plenare, i është dhënë fjala ish-kryeministrit, Berisha.
Kjo është hera e dytë që seanca e ditës së sotme ndërpritet, për shkak të tensioneve të krijuara, për radhën e mbajtjes së fjalës në podium.
Më herët, senanca u shkëput kur ministri i Shëndetësisë, Ilir Beqaj tentoi të marrë fjalën, por u ndërpre nga deputetët e opozitës. Ata kërkuan dorëheqjen e tij, pas publikimit në media të një rasti, ku ministri Beqaj pushoi nga puna një mjek në Tropojë. /tesheshi.com
